GE

თანამშრომლები

სალომე ზურაბიშვილი

აღმასრულებელი დირექტორი

ვრცლად

სალომე ზურაბიშვილი

აღმასრულებელი დირექტორი

სალომე ზურაბიშვილმა 2016 წელს დააარსა და მას შემდეგ ხელმძღვანელობს გაეროს გლობალური შეთანხმების ადგილობრივ ქსელს საქართველოში. ის ასევე გაეროს გლობალური შეთანხმების აღმოსავლეთ ევროპის რეგიონული ქსელის საბჭოს თავმჯდომარე და გლობალური ქსელის საბჭოს წევრია. სალომეს სპეციალობის სფეროს წარმოადგენს საერთაშორისო ადამიანის უფლებათა სამართალი, ამასთან მას აკადემიური ცოდნა და პროფესიული გამოცდილება კორპორაციული მდგრადობის სფეროში აქვს. სალომე 11 წლის განმავლობაში მუშაობდა როგორც საერთაშორისო და ადგილობრივ არასამთავრობო ორგანიზაციებში, ისე საჯარო სექტორსა და აკადემიაში. 2020 წელს ის Forbes საქართველოს „30under30” კონკურსის ერთ-ერთი გამარჯვებული გახდა. სალომე შვედეთის ინსტიტუტის ვიზბის პროგრამის კურსდამთავრებულია, მან მაგისტრის ხარისხი საერთაშორისო ადამიანის უფლებათა სამართლის და შრომის უფლებების მიმართულებით მიიღო ლუნდის უნივერსიტეტში, შვედეთში. სალომე ასევე ევროპის პარლამენტის სახაროვის პროგრამის კურსდამთავრებულია.

ბაკურ კვარაცხელია

პროექტებისა და ფონდების მოძიების მიმართულების ხელმძღვანელი

ვრცლად

ბაკურ კვარაცხელია

პროექტებისა და ფონდების მოძიების მიმართულების ხელმძღვანელი

ბაკურ კვარაცხელია ორგანიზაციას 2020 წლის სექტემბერში შეუერთდა. მანამდე ის მუშაბობდა გარემოსდაცვითი ომბუდსმენის მოადგილის თანამდებობაზე. ბაკურს გააჩნია როგორც დიპლომატიურ და საჯარო სამსახურში, ასევე საერთაშორისო ორგანიზაციებში მუშაობის მრავალწლიანი გამოცდილება. ის სხვადასხვა დროს მუშაობდა ესტონეთში და ინდოეთში საქართველოს საელჩოებში, საქართველოს საგარეო საქმეთა სამინისტროში და დაცული ტერიტორიების სააგენტოში.

ბაკური არის ამერიკის შეერთებული შტატების მთავრობის მიერ დაფინანსებული არაერთი გაცვლითი პროგრამის კურსდამთავრებული. ფულბრაიტის სამაგისტრო გაცვლითი პროგრამის ფარგლებში ის ნიუ-იორკის უნივერსიტეტში სწავლობდა საერთაშორისო ურთიერთობებს.  

ნინო კვანტრიშვილი

მდგრადობის საკითხებისა და პარტნიორობის მიმართულების ხელმძღვანელი, გლობალური შეთანხმების საქართველოს ქსელი

ვრცლად

ნინო კვანტრიშვილი

მდგრადობის საკითხებისა და პარტნიორობის მიმართულების ხელმძღვანელი, გლობალური შეთანხმების საქართველოს ქსელი

ნინო კვანტრიშვილს აქვს სტრატეგიული და კორპორაციული მდგრადობის კომუნიკაციების მიმართულებით მუშაობის 17 წლიანი გამოცდილება. ნინო გლობალური შეთანხმების საქართველოს ქსელის გუნდის წევრი 2020 წლიდან გახდა და ამჟამად არის მდგრადობისა და პარტნიორობის მიმართულების ხელმძღვანელი.

მანამდე ნინო იყო საქართველოს თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობის დეპარტამენტის უფროსი (2019-2020). ნინო მუშაობდა ნიდერლანდების სამეფოში საქართველოს საელჩოში (2011-2014; 2016-2019). ასევე საქართველოს პარლამენტის ევროპასთან ინტეგრაციის კომიტეტში და იყო პარლამენტის საზოგადოებასთან ურთიერთობისა და სამოქალაქო ღონისძიებების დაგეგმვის განყოფილების უფროსი (2014-2017). ნინოს აქვს მრავალწლიანი გამოცდილება კორპორაციული მდგრადობის, მდგრადობის ანგარიშგებისა და საჯარო-კერძო პარტნიორობის მიმართულებით. ასევე სტრატეგიული კომუნიკაციების, მედია და ღონისძიებების მენეჯმენტის, კვლევისა და ანალიზის მიმართულებით.

ნინო კვანტრიშვილს აქვს მასტერის ორი ხარისხი მედია კომუნიკაციებში (ვებსტერის უნივერსიტეტი 2012-2013) და მედია კომუნიკაციების მენეჯმენტში (საზოგადოებრივ საქმეთა ინსტიტუტი-ჯიპა 2006-2008). მიღებული აქვს სტანსტორიმანსის სახელობის სტიპენდია. ბაკალავრის ხარისხი კი მოიპოვა თბილისის სახელმწიფო უნივერსიტეტში – ჟურნალისტიკის ფაკულტეტი, სატელევიზიო ჟურნალისტიკა (2001-2005 წლები

რატი ზაუტაშვილი

ბიზნესთან ურთიერთობის მიმართულების ხელმძღვანელი

ვრცლად

რატი ზაუტაშვილი

ბიზნესთან ურთიერთობის მიმართულების ხელმძღვანელი

რატი ზაუტაშვილი გლობალური შეთანხმების საქართველოს ქსელის გუნდს 2020 წელს შემოუერთდა. მას, უმაღლესი განათლება, მიღებული აქვს  ბიზნესის მართვის მიმართულებით.  12 წლიანი სამუშაო გამოცდილების განმავლობაში,  როგორც კერძო ისე სახელმწიფო სექტორში განხორციელებული აქვს ათეულობით საერთაშორისო და ადგილობრივი პროექტი. იგი აქტიურად მუშაობს ბიზნესის მხრიდან მდგრადი განვითარების მიზნების (SDG) მხარდაჭერის უზრუნველყოფაზე, რომელიც ხელს შეუწყობს კორპორაციული პასუხმისმგებლობის  განვითარებას საქართველოში.

სოფო ხუჭუა

ბიზნესთან ურთიერთობის მენეჯერი, შრომითი ურთიერთობების კონსულტანტი

ვრცლად

სოფო ხუჭუა

ბიზნესთან ურთიერთობის მენეჯერი, შრომითი ურთიერთობების კონსულტანტი

Სოფო ხუჭუა გლობალური შეთანხმების საქართველოს ქსელის გუნდს  Ბიზნესთან ურთიერთობების მენეჯერისა და შრომითი ურთიერთობების კონსულტანტის პოზიციაზე 2019 წელს შემოუერთდა. სოფო ხუჭუას საჯარო და კერძო სექტორში დამოუკიდებელ იურისტად მუშაობის 15 წლიანი გამოცდილება აქვს.

სოფოს აქვს უმაღლესი განათლება სამართალმცოდნეობის მიმართულებით და არის საჯარო მმართველობის დოქტორანტი. გამოქვეყნებული აქვს რამდენიმე კვლევა და არის საერთაშორისო პუბლიკაციების ავტორი. სოფო საქართველოს ადვოკატთა ასოციაციის და ამავე ასოციაციის ადამიანის უფლებებისა და საერთაშორისო სამართლის კომიტეტის წევრია.

თემურ ტყეშელაშვილი

ფინანსური ხელმძღვანელი

ვრცლად

თემურ ტყეშელაშვილი

ფინანსური ხელმძღვანელი

თემურ ტყეშელაშვილი გლობალური შეთანხმების საქართველოს ქსელის გუნდს ფინანსური მიმართულების ხელმძღვანელად 2019 წელს შემოუერთდა. მანამდე თემო იყო საერთაშორისო აუდიტორული კომპანიის, BDO-ს საქართველოს ოფისის ფინანსური აუდიტორი, მთლიანობაში მას საერთაშორისო და კერძო ადგილობრივ კომპანიებში მუშაობის 10 წლიანი გამოცდილება აქვს. 2008 წელს, კომაროვის თბილისის ფიკიზა-მათემატიკის სკოლის დამთავრების შემდეგ, თემომ სწავლა კავკასიის უნივერსიტეტში განაგრძო, სადაც მიიღო ბაკალავრის ხარისხი ფინანსურ აუდიტში.

ანა დგებუაძე

ადმინისტრაციული ხელმძღვანელი

ვრცლად

ანა დგებუაძე

ადმინისტრაციული ხელმძღვანელი

ანა დგებუაძე ორგანიზაციაში ადმინისტრაციული და შესყიდვების მიმართულების ხელმძღვანელის პოზიციაზე 2020 წლიდან მუშაობს. 

მას 2012 წელს დამთავრებული აქვს ივ. ჯავახიშვილის სახელობის თბილისის სახელმწიფო უნივერსიტეტი, სამართალმცოდნეობის ფაკულტეტი,  სადაც მიღებული აქვს ბაკალავრის ხარისხი. ამის შემდეგ გააგრძელა სწავლა კავკასიის საერთაშორისო უნივერსიტეტში და მიიღო მაგისტრის ხარისხი კერძო სამართლის მიმართულებით.

2011 წლიდან მუშაობს როგორც საჯარო, ისე კერძო სექტორში. მათ შორის ცენტრალურ საარჩევნო კომისიასა და რამოდენიმე საადვოკატო ბიუროში სამართლებრივი და ადმინისტრაციული მიმართულებით. ასევე მუშაობდა კერძო ბიზნესში ტურიზმის მიმართულებით, სადაც ჩართული იყო მრავალ ადგილობრივ თუ საერთაშორისო პროექტში.

ნუგზარ გურული

ბუღალტერი

ვრცლად

ნუგზარ გურული

ბუღალტერი

ნუგზარ გურულს ბუღალტრის პოზიციაზე მუშაობის მრავალწლიანი გამოცდილება აქვს როგორც კერძო ისე საჯარო სექტორში. მას დამთავრებული აქვს საქართველოს ტექნიკური უნივერსიტეტი ეკონომიკის მიმართულებით და ფლობს სერთიფიცირებულ ბუღალტერთა ასოციაციის სერტიფიკატს.

ნინო ლიპარტელიანი

კორპორაციული მდგრადობის აკადემიის კოორდინატორი

ვრცლად

ნინო ლიპარტელიანი

კორპორაციული მდგრადობის აკადემიის კოორდინატორი

ნინო ლიპარტელიანი ჩვენს გუნდს სტაჟიორის პოზიციაზე 2021 წლის ივლისში შემოუერთდა. იმის მიუხედავად, რომ ნინო გუნდის ყველაზე პატარა წევრია, მას აქვს სხვადასხვა მიმართულებით მუშაობის მრავალფეროვანი გამოცდილება – ის მოხალისეობრივად იყო ჩართული საქართველოს წითელი ჯვრის ასოციაციის აქტივობებში და, ამასთან ერთად, აქვს იურიდიულ საკითხებზე მუშაობის 3 წლიანი გამოცდილება. Ნინო, თავისი გამოცდილებითა და შემართებით მალევე გახდა ჩვენი გუნდის შეუცვლელი წევრი – ის ერთდროულად რამდენიმე პროექტის აქტივობებშია აქტიურად ჩართული. 2022 წლის სექტემბრიდან ის იკავებს კორპორაციული მდგრადობის აკადემიის კოორდინატორის პოზიციას. Ნინო ქართულ-ამერიკული უნივერსიტეტის (GAU) მეოთხე კურსის სამართლის სტუდენტია, ხოლო სექტემბრიდან, წინასწარი ჩარიცხვის საფუძველზე, სწავლას გააგრძელებს GBSB-ის Global Business School-ში ბიზნესისა და ინოვაციების მაგისტრატურის კურსზე, ბარსელონაში.

სალომე ხაჩიაური-სოლტაუ

გარემოს დაცვისა და ინოვაციების მიმართულების ხელმძღვანელი

ვრცლად

სალომე ხაჩიაური-სოლტაუ

გარემოს დაცვისა და ინოვაციების მიმართულების ხელმძღვანელი

სალომე ხაჩიაური-სოლტაუ გლობალური შეთანხმების საქართველოს ქსელის გუნდს 2021 წლის სექტემბრიდან შემოუერთდა გარმოსდაცვითი და ინოვაციების მიმართულების ხელმძღვანელის რანგში. სალომეს აქვს ინოვაციების და გარემოსდაცვის მიმართულებით მუშაობის 8 წლიანი გამოცდილება. მანამდე ის იყო საქართველოს ეკონომიკისა და მდგრადი განვითარების სამინისტროს, სსიპ – საქართველოს ინოვაციების და ტექნოლოგიების სააგენტოს ინოვაციების და კომერციალიზაციის დეპარტამენტის უფროსი. 2019 წლის აპრილიდან სალომე ხელმძღვანელობდა ევროკავშირის მიერ დაფინანსებულ ,,ტექნოლოგიების გადაცემის საპილოტე პროექტს“ (TTPP), რომლის მიზანსაც წარმოადგენდა სამეცნიერო კვლევების კერძო ბიზნესში კომერციალიზაცია. ასევე, სალომე 2019-2020 წლებში მუშაობდა ქ. სტოქოლმში დაფუძნებული ფონდის – “Entreprenerus Without Borders” პროექტის ხელმძღვანელად. მანამდე სალომე მუშაობდა გარემოსა და ბუნებრივი რესურსების დაცვის სამინისტროს, გარემოსდაცვითი პოლიტიკისა და საერთაშორისო დეპარტამენტში.

სალომეს ფლობს მაგისტრის ხარისხს ,,ადამიანის უფლებების საერთაშორისო სამართლისა და ინტელექტურალური საკუთრების საერთაშორისო სამართლის“ მიმართულებით ლუნდის უნივერსიტეტში (2010-2012) და ბაკალავრის ხარისხი სამართალში, კავკასიის უნივერსიტეტში (2005-2009). ასევე, სალომე წარმოადგენს შვედეთის ინსტიტუტის მიერ დაფინანსებული მდგრადი მეწარმეობისა და ლიდერობის პროგრამის (BALTICLEAD, 2018) კურსდამთავრებულს.

თამარ ღუნაშვილი

სტრატეგიული კომუნიკაციების ხელმძღვანელი

ვრცლად

თამარ ღუნაშვილი

სტრატეგიული კომუნიკაციების ხელმძღვანელი

თამარ ღუნაშვილი გლობალური შეთანხმების საქართველოს ქსელის გუნდს, სტრატეგიული კომუნიკაციების ხელმძღვანელის პოზიციაზე, 2022 წელს შეუერთდა.

თამარს მედიასა და საჯარო სამსახურში მუშაობის 16 წლიანი გამოცდილება აქვს.

2008-2022 წლებში თამარი იკავებდა ჯანმრთელობის დაცვისა და სოციალურ საკითხთა კომიტეტის თავმჯდომარის თანაშემწის, მოგვიანებით კი საქართველოს პარლამენტის საზოგადოებასთან ურთიერთობისა და ინფორმაციის დეპარტამენტის პრესცენტრის მთავარი სპეციალისტის პოზიციას. საჯარო სამსახურში დასაქმებამდე,  სტაჟირებას გადიოდა საზოგადოებრივი მაუწყებლის რადიოში, ასევე, საქმიანობდა საგამომცემლო სახლ „ნავიგატორში“.

თამარი არის თბილისის სახელმწიფო უნივერსიტეტის ჟურნალისტიკის ფაკულტეტისა (ბაკალავრის ხარისხი)  და საქართველოს საზოგადოებრივ საქმეთა ინსტიტუტის (GIPA) საჯარო პოლიტიკის სამაგისტრო პროგრამის კურსდამთავრებული. არის ამერიკის შეერთებული შტატების მთავრობისა და ევროპარლამენტის მიერ დაფინანსებული გაცვლითი პროგრამების მონაწილე.

ქეთი ბოჭორიშვილი

გაეროს გლობალური შეთანხმების ინიციატივების კოორდინატორი

ვრცლად

ქეთი ბოჭორიშვილი

გაეროს გლობალური შეთანხმების ინიციატივების კოორდინატორი

ქეთი ბოჭორიშვილს აქვს 8 წლიანი სამუშაო გამოცდილება საგანმანათლებლო პროგრამების მართვისა და საერთაშორისო დონორ ორგანიზაციებთან ურთიერთობის მიმართულებით. ქეთი გუნდს 2021 წლის აგვისტოში შემოუერთდა. 2020-2021 წლებში ის იყო იურიდიული დახმარების სამსახურის სასწავლო ცენტრის უფროსი, 2015-2020 წლებში იუსტიციის სასწავლო ცენტრში სასწავლო პროგრამების მართვის კონსულტანტანტი, ხოლო 2013-2015 წლებში ბიზნესის საერთაშორისო სკოლის კოორდინატორი.

ქეთის აქვს 5 წლიანი გამოცდილება აკადემიურ სფეროშიც, ამჟამად კითხულობს ლექციებს ილიას სახელმწიფო უნივერსიტეტში BA ხარისხის სტუდენტებისთვის „ბიზნესის საფუძვლები“.

ქეთი ბოჭორიშვილს აქვს ბიზნესის ადმინისტრირების ბაკალავრის ხარისხი (ივანე ჯავახიშვილის სახელობის თბილისის სახელმწიფო უნივერსიტეტი) და ბიზნესის ადმინისტრირების მაგისტრის ხარისხი (ილიას სახელმწიფო უნივერსიტეტი)